Абвешчаныя даты правядзення Пятага Міжнароднага Кангрэса даследчыкаў Беларусі. Найбуйнейшая беларуская акадэмічная падзея адбудзецца 2-4 кастрычніка 2015 года. Традыцыйна на Кангрэс збяруцца каля 400 навукоўцаў і экспертаў з Беларусі і замежжа, чакаюцца дыскусіі і прэзентацыі, а таксама адбудзецца наданне чарговай Прэміі за найлепшую навуковую публікацыю ў 2013-2014 гадах.
Заяўкі на арганізацыю панэляў і секцыяў у межах Пятага Кангрэса прымаюцца да 15 сакавіка.
Кнігі і артыкулы можна намінаваць на прэмію да 15 красавіка.
І, нарэшце, індывідуальныя заяўкі для ўдзелу ў Кангрэсе можна будзе падаваць да 18 траўня.
Па ўсіх пытаннях звяртайцеся на пошту Кангрэса: icbs @ palityka.org
Уся дадатковая тэхнічная інфармацыя з’явіцца ў бліжэйшы час. Сачыце за навінамі!