Абвешчаны шорт-ліст Прэміі Міжнароднага Кангрэса даследчыкаў Беларусі за найлепшую навуковую публікацыю на беларускую тэматыку для замежных даследчыкаў у галіне сацыяльных і гуманітарных навук.
У адрозненне ад Прэміі за лепшую навуковую публікацыю, якая надаецца з 2013 года, гэта Прэмія заснавана для вызначэння тых прац, якія створаны аўтарамі, што не маюць беларускага паходжання, не жылі і не працавалі ў Беларусі. Яе мэта – адзначыць тыя замежныя працы, якія зрабілі істотны ўнёсак у развіццё веды пра Беларусь у свеце.
Balmaceda, Margarita. Living the High Life in Minsk. Russian Energy Rents, Domestic Populism and Belarus’ Impending Crisis. Central European University Press, 2014. 234 pages.
Bemporad, Elissa. Becoming Soviet Jews: The Bolshevik Experiment in Minsk. Indiana University Press, 2013. 292 pages.
Beorn, Waitman Wade. Marching into Darkness. The Wehrmacht and the Holocaust in Belarus. Harvard University Press, 2014. 336 pages.
Kaganovitch, Albert. The Long Life and Swift Death of Jewish Rechitsa: A Community In Belarus 1625–2000. Madison: University of Wisconsin Press, 2013. 416 pages.
Pospieszna, Paulina. Democracy Assistance from the Third Wave. Polish Engagement in Belarus and Ukraine. University of Pittsburgh Press, 2014. 280 pages.
Pranevičiutė-Neliupšienė, Jovita (ed.). Belarusian Regime Longevity: Happily Ever After. Vilnius University Publishing, 2014. 320 pages.
Rudling, Per Anders. The Rise and Fall of Belarusian Nationalism, 1906–1931. University of Pittsburgh Press, 2014. 448 pages.
Бон, Томас. Минский феномен. Городское планирование и урбанизация в Советском Союзе после Второй мировой войны. Москва: РОССПЭН, 2013. 414 с.
На конкурс у 2015 годзе прымаліся толькі манаграфіі (кнігі), выдадзеныя на англійскай альбо рускай мове ў 2013-2014 гг.
Таксама прадугледжваецца, што ў будучыні з меншай рэгулярнасцю будуць стварацца адмысловыя конкурсы для публікацый на нямецкай і польскай мовах.
Урачыстае наданне прэміі адбудзецца на Пятым Міжнародным Кангрэсе даследчыкаў Беларусі, які пройдзе 2-4 кастрычніка 2015 года ў Коўне (Літва). Дадзеная Прэмія носіць ганаровы характар і не прадугледжвае грашовага ўзнагароджання.