Збор заявак на панэль “Новыя звышдзяржавы” i Цэнтральна-Усходняя Еўропа: нерэалізаваныя магчымасці ці пераацэненыя перспектывы?” (да 2 чэрвеня 2014 г.)

English>>>

Арганізацыйны камітэт Чацвёртага Міжнароднага Кангрэса даследчыкаў Беларусі рады абвесціць пра пачатак збору заявак на панэль “Новыя звышдзяржавы” i Цэнтральна-Усходняя Еўропа: нерэалізаваныя магчымасці ці пераацэненыя перспектывы?”. Панэль разгледзіць актуальны стан і перспектывы развіцця палітычных і эканамічных стасункаў паміж краінамі Цэнтральна-Усходняй Еўропы з аднаго боку, і Кітаем і Індыяй з другога.

Тэрмін падачы індывідуальных заявак – 2 чэрвеня 2014 года.

Каб падаць заяўку на ўдзел у панэлі, калі ласка зарэгіструйцеся ў электроннай форме:

http://icbs.palityka.org/4th-international-congress-of-belarusian-studies.htm

Рост эканамічнага і палітычнага значэння такіх “новых звышдзяржаў”, як Кітая і Індыі, значна мяняе раскладку сіл на міжнароднай арэне. На дадзены момант Кітай з’яўляецца другой эканомікай свету, а Індыя займае 10-ю пазіцыю, і абсалютная большасць экспертаў пагаджаюцца, што эканамічнае і палітычнае значэнне гэты краін будзе павышацца. Пры гэтым, ўзгаданыя дзяржавы вельмі розныя па свайму ўладкаванню. Кітай – аўтарытарная краіна, якая актыўна пашырае сваю палітычную прысутнасць ў свеце. Індыя – ўстойлівая дэмакратыя, больш засяроджаная на вырашэнні ўласных сацыяльных і эканамічных праблем.

Узвышэнне “новых звышдзяржаў” аказвае свой уплыў і на Цэнтральна-Усходнюю Еўропу – за апошнія пяць год назіраецца значнае павелічэнне эканамічнай і палітычнай прысутнасці Кітая і Індыі ў рэгіёне, што патрабуе свайго асэнсавання (у дадзеным выпадку пад ЦУЕ мы маем на ўвазе тры балтыйскія краіны, чатыры краіны Вышэградскай групы, і тры еўрапейскія краіны, уключаныя ў ініцыятыву “Усходняе партнёрства”: Беларусь, Малдова, Украіна).

Асноўная ідэя панэлі: разгледзець актуальны стан і перспектывы развіцця палітычных і эканамічных стасункаў паміж краінамі ЦУЕ, Кітаем і Індыяй.

Плануецца разгледзець наступныя пытанні:

—              Пазіцыянаванне ЦУЕ у знешняй палітыцы Кітая і Індыі.

—              Колькасны аналіз развіцця стасункаў краін ЦУЕ з Кітаем і Індыяй, індыйскі і кітайскі вектар знешняй палітыкі краін рэгіёна.

—              Стасункі з Кітаем і Індыяй у кантэксце інтэграцыйных працэсаў у ЕС і на постсавецкай прасторы.

—              Буйныя інвестыцыйныя праекты Кітая ў рэгіёне (у прыватнасці, індустрыяльны парк у Беларусі), асаблівасці інвестыцыйнай стратэгіі гэтай краіны ў ЦУЕ.

—              Развіццё культурных кантактаў і ўплываў Кітая і Індыі ў ЦВЕ.

У межах панэлі плануецца публічная дыскусія з удзелам палітыкаў і экспертаў на тэму: “Партнёры ці супернікі? Кітайская палітыка ў Цэнтральна-Усходняй Еўропе”.