Рэдакцыя разглядае непублікаваныя артыкулы, рэцэнзіі і справаздачы ў галіне беларусазнаўства (літаратура, мова, гісторыя і культура). У часопісе друкуюцца матэрыялы па-беларуску і па-польску. Аб’ём навуковага артыкула павінен складаць не менш за 12 старонак фармату A 4 (20 тыс. знакаў) са спасылкамі ўнізе старонкі (без бібліяграфіі на канцы артыкула) i мець кароткае рэзюмэ (каля 500 знакаў) па-англійску, а таксама па-польску альбо па-расійску). Назва артыкула падаецца таксама ў перакладзе на англійскую мову, a таксама на расійскую (толькі для беларускамоўных артыкулаў). Аб’ём іншых матэрыялаў – да 5 старонак фармату A 4.
Афармленне артыкула:
- імя і прозвішча аўтара/аўтараў (таксама паводле пашпарту, лацінкаю);
- горад;
- назва артыкула на мове арыгіналу, а таксама па-англійску і па-расійску (толькі для беларускамоўных артыкулаў);
- асноўны тэкст;
- рэзюмэ (па-англійску – каля 500 знакаў – а таксама па-польску альбо па-расійску).
Артыкул павінны быць набраны ў тэкставым рэдактары (рэкамендуецца Word):
- Шрыфт: Times New Roman, памер шрыфту – 12; інтэрвал паміж радкамі – 1,5, у спасылках памер шрыфту – 10, інтэрвал паміж радкамі – 1,0.
- Назва файла павінна быць напісана лацінкаю – prozwiszcza_tytul artykula (першыя 2-3 словы).
- У тэксце дазваляецца выкарыстанне наступных вылучэнняў: курсіву і паўтлустага. Курсівам падаём назвы кніг, артыкулаў, твораў (у тэксце і ў спасылках), замежных слоў. Тлустым — тэрміны, а таксама тое, што вымагае вылучэння.
- У двукоссе (без курсіву) бяром (у асноўным тэксце і ў спасылках) назвы часопісаў.
- Цытаты бяром у двукоссе (без курсіву) , прапушчаныя фрагменты тэксту трэба пазначыць узятымі ў квадратныя дужкі трыма кропкамі; у квадратных дужках змяшчаем усе аўтарскія каментары.
- У часопісе выкарыстоўваем адзіную сістэму спасылак: нумар спасылкі змяшчаем у тэксце, тэкст спасылкі падаем у нізе старонкі. Калі ласка, звярніце ўвагу на асобную інструкцыю афармлення спасылак (гл. Правілы афармлення спасылак).